Jul.21-22 2012 观音山露营索溪野炊
观音山索溪2012（上） http://www.sevensem.com/shownews.asp?id=1036
观音山索溪2012（下） http://www.sevensem.com/shownews.asp?id=1037
文字：西人健 照片：seven.sem
好吧，7月观音山番来，已经过左接近半个月喇，终于都抽到时间同培养好情绪来写哩篇流水帐。
综述：本次观音山之行，从6月底就系到PLAN紧架喇，但一直冇正式出炉，直到7.10左右先至正式订落来，本次成员共14人+1鬼！
其中，神一样的队友：召集人-西人健，大会娱乐总监-14，厨神-7哥，厨后-SANDY奶奶，负重猛男-Chirs+大雄+纸妖+大富豪，完全偷晒懒唔做野的-烦师奶+掉掉，新丁猛MM-笑笑/Maggie，中意玩水的-糖人，乜都的-公主，最后，隆重推荐：猪一样的队友-小粉猪方方。
本次出CAMP，从组织到物资购买，再到分配负重上山以及煮食，都完全体验左非常之良好的TEAM WORK精神，以此为今次的超腐败之行打上左一个美丽的句号。中午的7餸1粥，到晚黑的11餸1汤，再到第二日早上的芝士大虾，完全冇一样菜式系重复的，出哏多次CAMP，都未试过如此之腐败！或者我可以讲句，本次的腐败程度，系以后都系无法超越的，这让我如何是好，情以何堪啊！
再次感谢台前幕后所有的队员，多谢你地带比我一个如此开心的周末，我表示终身难忘！
多谢西人健，亦即系我自己，组织本次的活动！同时搭建营地，美化装饰，哈哈！当然，仲有提供一个哏正的冰箱，为FB做足功课同前提条件！哇咔咔！
多谢7哥今次召集的MM，做好一队好好的伙头军！同时多谢7哥中午的7餸一粥，好正好美味，令我地充满能量系下午玩水，以及准备SANDY的11餸1汤！更多谢7哥系脚严重整伤的情况下，依然全程的跟踪拍摄！
多谢SANDY准备的11餸1汤仲有第日的美味早餐！我表示日后都要跟你吃！
多谢14安排的饭后余庆节目！虽比以往差小小气氛，但依然KEEP住水准！
多谢一班猛男负重上山，哥表示20KG的冰以及相应的食材，系好重的，大家轮住出力，冇怨言，只有暴粗，我表示理解！
另外，本次的一众MM：笑笑，方方，糖人，掉掉，Maggie，都非常之配合的洗菜，帮手煮食，系一队非常称职的伙头军，相关队员都表态，下次出哩D FB的CAMP，一定要带埋你地去！
至于公主，唔使讲野啦，边到需要就边到帮托！
最后，烦师奶麻！大家似乎都遗忘左哩个人，除左玩水时他系到搞搞震，其它时候都唔知缩左去边！但都表示理解，之前都系有烦师奶来组织我地，照顾我地，今次就等他抖下，等他好好享受今次的行程啦！
笑料片段：
Part 1
我地经过商量后通知猪一样的队友-小粉猪方方，叫她去买2餐的青菜，好吧，她以她的分量来衡量我地分量，两餐共买左20斤的青菜，出发时，仲拖住2部师奶买餸车，后面你地可以睇到！我真系第一次见人出CAMP拖哏的买餸车咯，夸张到啊！
Part 2
刚开始召集人时，7哥就比SANDY吓到差D退出！众所周知，7哥中意暴粗架啦，长期发言中就会带HI的字眼，某日SANDY一入群，见7哥暴粗，就答左一句：最9憎人讲粗口架喇！成个群即时静晒！随之而来的，就系哏多的暴粗！哈哈！甚至连糖人临出发前，仲问，哩个系米粗口群来架，我系米都要到时讲番几句啊？到番来时，糖人的微薄上，就真系粗口成文喇！
好吧，总结完毕，下面开始看图说话，如有误会，纯属恶搞，大家斋睇，笑下好喇！
Chris一来就同大家来张合照，发埋上微薄，互粉，气氛一下子就融洽了起来。
由于座位有限，同部车空间细，所以我地15人的BAG放好后，就坐唔落哩部16人的车喇，哩个时候，几时都最抵谂的大雄就奉献左自己出来，坐过道喇！虽然坐得辛苦，但我觉得他过饱眼福喇！笑笑同糖人，SHOW住美丽的靓腿系他两旁！但系他扮晒唔好意思唔敢睇！
经过1个半钟左右的车程，我地到达观音山喇，今次小烦老谢同学，又犯左个错误，发错单去景区，搞到我地又要重新同人倾数，又浪费左小小人民币喇！
哩个时候我同司机交涉紧明天如何如何，其它人则系到执紧行李，准备分配物资。好吧，未出发前，将大家的东东集中埋一起，睇下有几多野先！见到中间个部蓝色的师奶买餸车了吗？入面装满鸟青菜，多得猪一样的队友方方唔少喇！
喇喇，认住喇，粉红色衫的就系传闻中猪一样的方方喇！白色衫的系糖人！系哦，仲有另外一部绿色的买餸车添！哏我地当然唔会哏傻拖住上山喇，将它拆分左，大家一起分担喇！我承认，我冇装菜，但我装左一支2L的黑牌，含埋玻璃樽的话有3KG，仲有2支1.5L的怡宝，2支瓶装啤酒！上山系辛苦啊，但落山时我就真系轻松咯！ 未出发，就打烂左一支啤酒，抵你地今晚唔够饮！分分拨物资，准备出发！
ready, go go go！烦师奶打头阵，但系，他乜都冇罗，又冇抬冰箱啊！部队紧跟其后，人人都满载，系时候出发喇！中间蓝色的，就系我的冰箱喇，70L的，现时入面放左20KG的冰，午晚餐的大部分吃材，仲有小小饮料，估计重量超过35KG，我地D猛男兄们，系得的！
大雄，你哏快要补充维C啊？你睇下公主系后面想打7你啊！醒目D啦！
糖人，你嘟起把嘴做咩啊？睇下你的同伴，猪方方都冇眼睇你啊！系得笑笑描下你咋！
其实可以睇到，每个MM手上，都系提住有野的，辛苦晒！
抬住个冰箱，开始行楼梯唔够5分钟，就已经好狠累喇，因为本身上哩D死人石梯就已经累Q死人，仲要抬住哏Q重的野，真系好Q辛苦咯！ 累到面青口唇白，遮下个面先！换人，到CHRIS同大富豪喇！CHRIS果真好体力，全程抬左一半以上，封为本次猛将兄之中猛猛将兄！
到中段休息亭，好累，摊抖下先！但系死人烦师奶同14就已经到左观音庙喇！我地猛男队远远落后！而一众MM都系到休整紧！除SANDY同公主外，其它MM都算新手，第一次跟我地出CAMP.喇，大家认清楚哩个猪方方喇，就系她，成日系上山时摆POSE吸引7哥注意力，唔知意欲何为呢！
好吧，继续前行，终于到达观音庙喇！再次休整！
休整完毕，再次出发！此时我已行到前头喇，去认路，同时一路反馈信息比后面，同大雄保持住通信中！
正式进入山路，此时，对各MM来讲，先系真正考验的开始！老谢，冇扮晒死蟹哦！后面的糖人仲惦过你啊！
好吧，哩两个可以讲真系来旅游的！
嗯，哩两个专业D，哈哈！
哩两个唔使讲啦，睇下她地的神情真系轻松到，EASY JOB又EASY TALK啊！
掉掉终于行到上来喇！
睇下我地的猛男兄们，已经好湿身喇！富豪兄仲露肉添！
途中休整！哩个时候，我应该到左营地附近喇，仲换埋衫裤，行紧番来接力！哈哈！
CHRIS，你系得的！请继续！
准备过石！
GO GO GO！ KEEP WALKING！
这段是少有没有遮阴的一段，全程都不怎么晒到。
个个都背大包，手也要挽一小袋，手手脚脚好容易出现划伤撞损等小意外。
MM背大包真有型
Sandy的背包怎么看怎么像冰箱
最重肯定系冰箱了
这里的景色还真的几靓，用单发拍的话，肯定会出一辑靓相。
纸妖哩个动作真系销魂啊！更要赞的系7哥，哏你都可以捕捉到，真系西飞利！
接近营地喇，已经见到有班人系到玩紧水喇！D水真系清啊，成个人爽晒！
嗯，如果你全程一个鬼托上来，就真系劲喇！为何唔用五鬼搬山术啊，哏米唔使大家哏辛苦咯。
准备搭建营地，大家倾紧数，如何分地啊！
开工！做野
营地环境看上去不错，第三次来了。
好动的7哥，准备行高D，从高处影低大家辛苦劳动的图像，一个唔小心，滑左落来， 整亲个指公，反晒甲，D血把把声系哏流！
公主个帐，条杆好长，大家小心！
独自洗菜的MAGGIE
系笑笑的唾骂下，方方终于良心发现，过来帮手洗菜喇！当然啦，仲要系14的JIAN督下先肯做野！唉！
糖人，你真过分，大家系到做野，你居然就换衫落来吃野！下午你就知错！哼哼！
7哥出品第一碟餸，炒螺！
14成盘鸡翼偷左来吃！
又系7哥出品，腐竹五花肉啊！我家阵睇番都好肚饿喇！可想而知当时真系正到冇朋友架！捞埋D汁来送饭，仲正啊！
好吧，辛苦完一轮，D MM终于话有得吃咯！中间那位，笑到见晒牙，因为她消耗左太多体力，家阵要狠狠得吃番来补充啊！
奕都从哩张图睇出，方方真系好吃得，不断系到装餸来吃！
每个人都好帮得手，不愧为神一样的队友，个个都满头大汗。
好HI正的蚝仔烙！亦都因此引发SANDY的：最9憎人讲粗口！
好喇，吃饱饱，去浸下水，饮下啤酒，再加支烟仔，享受啊！此时，遇到另一班朋友溯溪而上，竟然发现还有上2周一起发现广州的队友阿J，还有丁马、Blackcat等人。
我地全体都过来坐定定喇！准备开战！
糖人，都叫你小心D架啦，你睇，你要跌喇！
唔听话的下场，就系比人沷水架喇！
所谓的泱及池鱼，小粉猪方方表示很无奈，幸好，未湿透！
找个高位来个全景
拿单反出来，全程也就拍了这几张，效果就是不一样。
小烦，你做咩继续搞人地糖人啊！你好衰架！可怜的她被你搞到训低埋一边，几哏幽怨啊~~~~隔离班朋友都严重睇唔过眼啊！所以，集体向你开火！你接招啦！投降就得架喇！连与世无争的笑笑都睇唔过眼，同埋方方一起沷你啊！哏CHRIS同我肯定会跟大队架啦！好吧，系你反击企直之下，方方终于沦陷喇！前后都湿晒！多得你唔少啦！
休息一下之后，突然间战争再次暴发！14一个飞樽！即刻暂停！小烦：叼，打暴我个头喇！掉掉：冇错，就系你！14：叼关我嘿事！
方方，睇清楚喇，边个沷你沷得最用力！同时，你个F啊，糖人笑得几开心！纸妖，你条舌都几长哦！想舔边到喈！好吧，大家沷得哏开心！一于一齐笑下啦！哈哈哈！
玩完水，向上游进发！GO GO GO！哩张相有几个亮点！1. 小烦，你条裤真心性感！个位置走位得哏型的喈！. 大雄，你系到搞乜春啊！O尿啊？3. 方方，唔好喊啦，发生乜事啊?富豪做左D乜来，搞到你哏啊？你讲啦，大家帮你做主！方方：你扯啊，唔好惦我！哏快架，我刚刚先湿洒，你就干晒喇！富豪：O晒嘴，斋睇冇野讲！
出发，继续溯溪！
猪方方，你叉住条腰做咩啊？有野米讲咯！我讲下你喈，你使唔使哏来鄙视我啊！一阵线你落水！
都叫你小心架啦，仲系要扑亲要人扑，唉~~~~唔话你系猪一样的队友都唔得喇！
好吧，溯到哩到，停止喇！因为上面似乎都冇乜水喇，大家就STOP喇！
异常中意玩水的糖人，又要落水喇，仲意图系到冲凉，但比我地喝住左！NND，你系到冲凉，我地系下面仲使洗野煮饭的！
小烦：唉，哏就冇左喇！反思下先！笑笑：搞到我污辣垃塌，冲番个靓凉先！MAGGIE：系咯，同洗！14：叼，我都自己洗！
下集更精彩。
